Историческая порода «Абердин-ангус»

Гӯсфандони зоти Романов ин ифтихори гӯспандпарварони рус аст. Ин зот барҳақ беҳтарин буда, дар бисёр минтақаҳои кишварамон парвариш карда мешавад. Худи Пётри I бо мақсади рушди зотпарварии ватанӣ ба Россия ду гӯсфандро аз Силезия оварда, ба падид омадани зоти мазкур мусоидат намудааст. Аввалин гӯсфандони зоти Романов дар вилояти Ярославл соли 1802 ба вуҷуд оварда шудаанд. Ин зот аллакай зиёда аз ду аср маъруфу машҳур аст. Қадру қиммати онро на фақат гӯсфандпарварони рус медонанд - гӯсфандони зоти Романовро дар аксар кишварҳои дигар низ парвариш менамоянд.

Хусусиятҳои зоти мазкур

Қаблан гӯсфандпарварӣ дар Росия фақат дар минотиқи ҷануби он, ба монанди Қафқози шимолӣ, паҳн гардида буд. Хусусияти хоси зоти Романов ин мутобиқати баланди чорво ба шароити иқлими гуногун, аз ҷумла ба шароити вазнин мебошад. Бо туфайли ин, гӯсфандони зоти Романов на фақат дар Хати миёна, балки дар манотиқи шимолтар, аз қабили Урал, Сибир, Олтой ва ҳатто Камчатка ҳам парвариш карда мешаванд. Пашм чорворо муҳофизат менамояд: дар гармӣ - аз гармшавӣ ва дар сармои шадид - аз хунукхӯрӣ. Гӯсфандон ба сармои то -30°C хуб тобоваранд.

Чорвои зоти Романов тез калон мешаванду зуд вазн мегиранд. Барра аллакай дар 3 моҳагӣ 18-20 кг ва дар 7-9 моҳагӣ 35-45 кг вазн мегирад. Дар 4 моҳагӣ ба балоғати ҷинсӣ мерасад, аммо фақат пас аз оне, ки вазнаш ба 40 кг мерасад, шишакро метавонад бордор намояд.

Хусусиятҳои хоси гӯсфандони зоти Романов

  • синаи фарох;
  • тахтапушти рост;
  • ҷуссаи қавӣ;
  • пойҳои қавии рост;
  • устухонҳои мустаҳкаму боқувват;
  • мушакҳои хуб рушдёфта;
  • гӯшҳои рост;
  • бадани гирда;
  • сари хурди дарозрӯя;
  • думи кӯтоҳ.

Гӯсфандони ҳам нару ҳам мода метавонанд ҳам шохдору ҳам бешох бошанд. Вазни миёнаи гӯсфандони зотӣ 60-80 кг-ро ташкил медиҳад, аммо ба 100 кг метавонад расад, вазни миёнаи гӯсфандони мода бошад 45-60 кг буда, ҳадди аксар ба 90 кг метавонад расад.

Афзалият

Ба гӯсфандони зоти Романов хусусиятҳои беназир хосанд. Фарқияти чорво:

  • полиэстрӣ Ба туфайли ин хусусияти худ дар як сол ду маротиба ё дар ду сол се маротиба насл медиҳанд;
  • зудрасӣ ва болиғшавии барвақтӣ Дар давоми 6 моҳ як гӯсфанди зоти Романов метавонад то 40 кг вазн гирад;
  • сернаслӣ Дар якшикамзоиш аз 1 то 9 барра метавонанд тавлид ёбанд;
  • пашми хушсифати гӯсфанд, ки аз он маснуоти гарм, зебо, бадошту сабук ба даст оварда мешавад. Пашми барраҳои 6-8 моҳа гаронбаҳотарин ҳисобида мешаванд;
  • гӯшти маҳину лазизи парҳезӣ

Маҳсулот

Бинобар сернаслии худ ин зот яке аз ҷойҳои аввалинро дар истеҳсоли гӯшт ишғол намудаанд - як гӯсфанди мода дар як сол то 100 кг гӯшт медиҳад. Як барра, ки вазнаш тақрибан 40 кило аст, 20 кило гӯшти соф медиҳад. Гӯсфандони зоти Романов дар истеҳсоли пашм ҳам қафо намемонанд - аз як чорво дар як сол аз 1,5 то 3,5 кг пашм метарошанд. Пашми гӯсфандони зоти Романов сифати баланд дошта, барои тибити бисёраш қадр карда мешавад. Онро дар истеҳсоли намад истифода мебаранд, аз он аз риштаҳои пашмин ва матоъҳои баландсифати пашмин истеҳсол менамоянд.

Гарчанде гӯсфандони зоти Романовская ширдеҳ набошад ҳам, ин самт низ яке аз самтҳои ояндадор ба ҳисоб меравад, чунки равғаннокии шири ин зот зиёд аст - аз 6,8 то 8%. Дар баробари хароҷоти ҳадди ақали маҳсулот, аз он панири баландсифат ҳосил мегардад. Як гӯсфанд дар давоми се моҳ то 120 литр ва ҳадди аксар то 150 литр шир метавонад диҳад.

Дархост гузоред

Ман ба коркарди маълумоти шахсӣ розӣ ҳастам

Маълумот барои тамос

Телефон:
Телефони иловагӣ:
Почтаи электронӣ: